Turistët britanikë çelin sezonin e kroçierave në Portin e Durrësit.
Kryeministri Edi Rama ka ndarë disa pamje në llogarinë e tij në Facebook, ndërsa thotë se ky është një ogur i mirë i këtij viti turistik, ku Shqipëria po vizitohet nga të gjitha anët.
“Këtë të diel mirëpritëm vizitorët e parë të cilët zyrtarizojnë edhe nisjen e këtij sezoni turistik me kroçiera, ku 50 turistë britanikë kanë mbërritur mëngjesin e sotëm me kroçierën “Monet” për të vizituar Durrësin dhe sitet turistike të Tiranës, Krujës e zonave përreth, si ogur i mirë për këtë vit turistik ku Shqipëria po vizitohet nga të gjitha anët e në të gjitha format.
Rreth 20 mijë turistë britanikë kemi mirëpritur në tre muajt e parë të këtij viti, duke u bërë një prej tregjeve me rritjen më të shpejtë të flukseve turistike për Shqipërinë”, shkruan Rama.
Këto muaj të parë të vitit vijon trendi në rritje i flukseve turistike, ndërsa vitin e kaluar Shqipëria mirëpriti më shumë se 10 milionë turistë të huaj.
Rreth 20 mijë turistë britanikë janë mirëpritur në tre muajt e parë të këtij viti, duke u bërë një prej tregjeve me rritjen më të shpejtë të flukseve turistike për Shqipërinë