Temperatura e ujit mund të ndikojë shumë në trupin tonë, në tretje dhe metabolizëm. Uji i ftohtë ngadalëson gjithë procesin e tretjes dhe gjithë traktin digjestiv, sepse ngadalëson qarkullimin e gjakut në stomak dhe në organe të brendshme dhe ngadalëson sekrecionin e enzimave. E gjitha kjo çon deri në stagnimin e qarkullimit dhe ngadalësimin e metabolizmit. Uji i cili ka temperaturën e dhomës ose është i ngrohtë ka efekte pozitive, sepse ndihmon qarkullimin në traktin digjestiv dhe stimulon tretjen.
Pacientëve të cilëve u është ngadalësuar transporti i materieve nga organet e tretjes në zorrë, u janë dhënë racione të temperaturave të ndryshme. Rezultatet kanë treguar që racionet e ngrohta dukshëm kanë lehtësuar këtë proces. Një arsye më shumë që të pini ujin i cili ka temperaturën e dhomës apo është i ngrohtë është që ai shpejt dhe lehtë absorbohet në sistemin tonë, prandaj na bën më të hidratuar gjatë ditës.
Uji i ftohtë më shpejt kalon nëpër stomak, prandaj mund të dehidratohemi më shpejt. Ju këshillojmë që të pini sa më shumë lëngje, qofshin ato të ftohta apo të ngrohta që organizmi juaj të jetë i hidratuar. Provoni më shumë opsione derisa të gjeni ndonjë i cili i bën mirë organizmit dhe shëndetit tuaj. Më e rëndësishme është që të ndiheni mirë dhe të jeni aktivë dhe të shëndetshëm.
Ndërkaq ju shuajmë një kuriozitet. Nëse vloni një herë ujin, bëhet më i pastër dhe më i sigurt për ta pirë, por nëse e përsërisni procesin edhe një herë, rrezikoni të shkaktoni probleme në stomak. Duke zierë ujë dy herë mineralet e shëndetshme bëhen të dëmshme, përveç kësaj, në enë formohen gurë dhe ky është shkaku kryesor i formimit të gurëve në veshka. Ato gjenden si në ujë ashtu edhe në ajër dhe në tokë, por bëhen të rrezikshme kur ekspozohen në temperatura të larta. Temperaturat e larta i kthejnë ato në kancerogjene, të cilat jan1ë të lidhura me zhvillimin e kancerit të vezoreve, zorrës së trashë dhe stomakut.
