Çmimi “The Best” për vitin 2023 që jepet nga FIFA ka shkuar përsëri në duart e Lionel Messit. Fituesi i tetë herë të Topit të Artë, ka mundur në votim Erling Haaland dhe Kylian Mbappe për këtë edicion. Sipas rezultateve të votimeve, Messi dhe Haaland ishin të dy në kuotën e 48 pikëve, por argjentinasi fitoi pasi kishte më shumë nominime në vendin e parë nga kapitenët e ekipeve kombëtare. Mbape doli i treti me 35 pikë. Kjo është hera e 8 ku Messi shpallet fitues i çmimit të lojtarit më të mirë nga FIFA pas e ka fituar më parë në vitet 2009, 2010, 2011, 2012, 2015, 2019 dhe 2022.
Nga ana tjetër, Lionel Messi ka aq shumë çmime në koleksionin e tij sa mund t’i lejojë vetes t’i dhurojë ato për bashkëlojtar, miq e familjarë. Ylli i Inter Miami fitoi Topin e Artë për herë të tetë në fund të vitit të kaluar, pasi më në fund mori në dorë trofeun e Kupës së Botës me Argjentinën. Messi është padyshim njëri nga më të mirët në histori, pasi ai ka fituar plot 44 trofe në karrierën e tij. Por, ai gjithashtu ka një mori çmimesh individuale, duke përfshirë 16 çmime për futbollistin argjentinas të vitit dhe gjashtë këpucë të arta evropiane. Shumica e çmimeve të tij u fituan gjatë periudhës së tij 17-vjeçare në Barcelonë dhe Messi zbuloi se “gjithçka” që zotëron është në muzeun e Barcelonës. Kjo përfshin Topin e Artë dhe Këpucët e Arta – megjithëse një trofe përfundoi diku tjetër në një grup rrethanash të çuditshme. Çmimi i tij për lojtarin më të mirë në La Liga 2020/21 iu dhurua bashkëkombësit të tij, Leandro Paredes, me të cilin Messi ka luajtur për Paris Saint-Germain dhe Argjentinën. Paredes nuk ka luajtur kurrë në La Liga, por kur Messi iu bashkua në Paris, ai i kërkoi trofeun e lojtarit më të mirë në Spanjë dhe ish ylli i Barcelonës ia dha pa u menduar dy herë. 29-vjeçari u tregoi gazetarëve shtëpinë e tij në Torino ndërsa ishte i huazuar në Juventus dhe kaloi nëpër çmimet dhe trofetë e tij.
