Në klubin e Milan të gjithë janë të fokusuar për të gjetur pasuesin ideal të Stefano Piolit. Emrat janë të shumtë në listë duke nisur nga Coinceicao, Sarri, Conte, Galtier apo Fonseca. Në “Pole-Position” duke Coincecaio i Portos, teksa te Milan po presin bisedimet e teknikut me klubin portugez pasi ka një kontratë deri në vitin 2028.
Megjithatë, emri i trajnerit nuk është i vetmi drejtim në të cilin janë investuar drejtuesit kuqezinj. Sulmi mbetet reparti për t’u përforcuar sezonin e ardhshëm pas zyrtarizimit të Giroud për t’u larguar në fundin e sezonit. Objektivi numër një i Milan është Benjamin Sesko i Leipzig në Bundesligë.
Slloveni, edhe pse vetëm 20-vjeçar duket profili i duhur për të udhëhqur kuqezinjtë në kampionatin e ardhshëm teksa në Bundesligë ecën me një mesatare goli për çdo 117 minuta duke realizuar në 29 ndeshje 12 gola. Kontrata e sulmuesit me Leipzig përfundon në vitin 2028, megjithatë Milan është gati të paguajë klauzolën prej 50 milionë eurosh dhe ta transferojë në Itali.
Për “pistën” Sesko, drejtuesit nuk kanë ndërmend të presin as një miratim nga trajneri i ri, të bindur se cilësitë e këtij futbollisti do të ishin të përshtatshëm për secilin trajner që do të merrte përsipër drejtimin e skuadrës.
