Zlatan Ibrahimovic beson se Antonio Conte është njeriu i duhur për të zëvendësuar Stefano Piolin, por drejtuesit tjetë të Milanit janë më të bindur në Thiago Mottan e Bolognas. Pioli pritet të shkarkohet nga kuqezinjtë gjatë verës pasi nuk arriti ta mbajë skuadrën lartë këtë sezon, me kuqezinjtë që dolën nga Liga e Kampionëve në fazën e grupeve dhe ka mbetur shumë prapa në garën për titullin e kampionit. Ndonëse ende nuk është marrë një vendim përfundimtar, shumë tifozë të Milanit besojnë se koha e Piolit duhet të përfundojë, edhe pse ai i udhëhoqi ata drejt Scudettos dy vjet më parë. Mbetet për t’u parë nëse një titull i Ligës së Evropës mund të ndryshojë gjërat për trajnerin italian. Siç raportohet nga Calciomercato.com, drejtuesit e Milanit besojnë se Thiago Motta do të jetë një nga kandidatët kryesorë për të zëvendësuar Piolin nëse ai largohet nga klubi gjatë verës.
Kuqezinjtë e kanë ndjekur punën e trajnerit italo-brazilian në Bologna prej muajsh tashmë dhe vlerësojnë aftësinë e tij për të zhvilluar lojtarë të rinj, stilin e tij sulmues, por të balancuar të lojës dhe aftësitë e tij menaxhuese. Thiago Motta po bind gjithnjë e më shumë Milanin se ai është njeriu i duhur për këtë punë.Por në anën tjetër, ish-sulmuesi Zlatan Ibrahimovic është ende duke shtyrë për Conte.Suedezi beson se ish-trajneri i Chelsea, Juventusit dhe Interit është i duhur për kuqezinjtë.
