Një gjykatë holandeze ka vendosur që autoritetet mund të përdorin armë “paintball-i” për të qëlluar ujqërit në një park kombëtar popullor për t’i trembur ata. Gjykata e qarkut të Holandës qendrore tha në një vendim se një ujk në Parkun Kombëtar Hoge Veluwe u pa duke iu afruar këmbësorëve dhe çiklistëve dhe këtë sjellje e konsideroi jonormale.
Në Holandë, ujqërit mbrohen dhe nuk mund të gjuhen. Një organizatë e kafshëve të egra që kundërshton planin tha se do të apelojë vendimin. Dy shekuj pasi ujqërit përfunduan drejt zhdukjes në Holandë, kafshët u rikthyen sërish në vitin 2019, kur disa kafshë kaluan kufirin nga Gjermania dhe lindën tre këlyshë në tokën holandeze.
Komisioni Evropian njoftoi vitin e kaluar se po shqyrtonte reduktimin e masave për mbrojtjen e kafshëve për shkak të shqetësimeve të fermerëve për bagëtinë e tyre. Ekspertët dhe grupet mjedisore vlerësojnë se mund të ketë deri në 19,000 ujqër në 27 vendet anëtare të BE-së dhe mendohet se janë më shumë se 1,000 në Bullgari, Greqi, Itali, Poloni, Rumani dhe Spanjë.
Ujqërit janë shpallur një specie e zhdukur në provincën spanjolle të Andaluzisë. Është vlerësuar se deri në vitin 2010, në Andaluzi kishte 6 deri në 8 tufa ujqërish, kryesisht në Sierra Morena, ku kishte deri në 56 individë. Përkundër faktit se ujku sapo është shpallur një specie e zhdukur, ekspertët nga Andaluzia thonë se nuk ka asnjë provë për praninë e tyre në zonë që nga viti 2013.
Koordinatori i ruajtjes së Fondit të Kafshëve të Egra në Spanjë, Luis Suarez tha se:
Ky është një lajm i keq dhe konfirmon një prirje negative për pak tufa ekzistuese të ujqërve në Spanjën jugore, të cilët janë fizikisht dhe gjenetikisht të izoluar nga ujqërit në pjesën tjetër të Spanjës, për shkak të humbjes së habitatit, gjuetisë pa leje dhe gjuetisë së paligjshme.
