Ai që do të dojë të hyjë në Bashkimin Evropian në të ardhmen nuk do të takojë në kufi një njeri prej mishi e gjaku, por një nëpunës policie të krijuar nga kompjuteri. Avatari do të verifikojë dokumentat e udhëtimit dhe dëshminë për mjetet e nevojshme financiare. Gjithashtu ai do të bëjë pyetje si nëpunës dogane, për përmbajtjen e valixhes apo shkakun e udhëtimit. Përgjigjet do të regjistrohen nga një kamera dhe do të analizohen. Synohet që të zbulohen lehtësisht emigrantët apo kriminelët e infiltruar nën petkun e tyre.