Me siguri ju ka ndodhur që, pasi lavatriçja ka mbaruar larjen, në vend të rrobave aromatike, t’ju presë një erë e pakëndshme që as vetë nuk e dini se si ka ardhur. Me siguri po pyesni veten se cili është problemi. Detergjenti i tepërt mund ta bllokojë shpërndarësin e detergjentit dhe të shkaktojë aroma të pakëndshme, kurse zbutësi i tepërt i bën rrobat më të vështira për t’u larë. Mos harroni të përdorni një gotë matëse.
Nëse rrobat tuaja janë shumë të ndotura, përdorni metodën e duhur të larjes ose përdorni dy cikle. Përveçse e bën materialin të duket i kadiftë, zbutësi i rrobave e bën më të lehtë hekurosjen. Megjithatë, absorbueshmëria e pëlhurës zvogëlohet me kalimin e kohës, kështu që është më mirë të mos e përdorni për të larë peshqirë, veshje sportive ose sende të tjera të bëra nga mikrofibra, elastan ose material elastik.
Papastërtitë, mbetjet e detergjentit dhe gjithçka që grumbullohet në lavatriçe, me kalimin e kohës do të arrijë te rrobat tuaja, gjë që do të sjellë erëra të këqija dhe njolla të bardha. Zbrazeni lavatriçenm sa më shpejt të jetë e mundur pas çdo larjeje, po ashtu, pas çdo larjeje, hiqeni detergjentin e mbetur nga goma në derë.
Tharja e parregullt ndikon negativisht në rrobat tuaja sikurse edhe larja jo e duhur. Prandaj, mos përdorni shumë tharje automatike, kjo i bën gjërat tuaja të konsumohen dhe zbardhen më shpejt, po ashtu mos e përdorni për rroba të thata dhe të ndjeshme.