Facebook ka njoftuar se emri i ri i platformës do të jetë Meta. Kompania, e cila bërë të ditur këtë ndryshim përmes një konference, ka thënë se emri i ri përshtatet më shumë me atë që bën tani. Ajo ka bërë të ditura edhe planet për metaverse – një botë online në të cilën njerëzit do të mund të luajnë, të punojnë dhe të komunikojnë në një ambient virtual, kryesisht përmes përdorimit të disa pajisjeve të veçanta.
Lajmi për ndryshimin e emrit të kompanisë që menaxhon Facebook, Messenger dhe Instagram, në Meta, tërhoqi vëmendjen e shumë përdoruesve në internet. Shkrimtari Mitchell Clark, duke iu referuar ish-lojtarit të NBA-së, Meta World Peace shkroi në Twitter:
I vetmi ‘Meta’ që ne njohim.
the only meta we acknowledge pic.twitter.com/xLkocXfWoV
— love yo self (@MichellCClark) October 28, 2021
Komediani Matt Oswalt shkroi:
“Meta” është shkurtim i fjalës “Unë takova një vajzë në shkollën e mesme, me të cilën u dashurova shumë dhe e gjeta vite më vonë në Facebook duke postuar linqe anti-vaksinim dhe teori pedofilike të Tom Hanks”.
"Meta" is short for 'I meta girl in high school who I had a huge crush on only to find her years later on Facebook posting anti-vax links and Tom Hanks pedophile theories'
— Matt Oswalt (@MattOswaltVA) October 28, 2021
As platformat e tjera si Twitter apo Hulu nuk kaluan pa e ironizuar këtë emërtim të ri.
Lajm i madh! Thjesht po tallemi, jemi ende Twitter.
BIG NEWS lol jk still Twitter
— Twitter (@Twitter) October 28, 2021
Përshëndetje, ne jemi ende Hulu.
Hello, we are still Hulu.
— Hulu (@hulu) October 28, 2021
Në të njëjtën kohë, kompania po përballet gjithashtu me problemet e saj të botës reale pasi një sinjalizues zbuloi qindra dokumente të brendshme që japin një pasqyrë të thellë në kulturën e brendshme të kompanisë, qasjen e saj ndaj keqinformimit dhe moderimin e gjuhës së urrejtjes, kërkimin e brendshëm mbi algoritmin e saj të lajmeve dhe komunikimin.
Një ish-menaxhere produkti në Facebook, Frances Haugen, ka dokumente që thotë se vërtetojnë se Facebook i ka dhënë përparësi në mënyrë të përsëritur “rritjes” sesa sigurisë së përdoruesve të saj. Haugen është shprehur se Facebook hasi në mënyrë të përsëritur konflikte midis fitimeve të veta dhe sigurisë së përdoruesve.
