Inteligjenca ukrainase ka bërë të ditur sot një skenar të mundshëm të rrëzimit të kreut të Kremlinit, Vladimir Putin nga elita e tij ruse.
Sipas Shërbimit në Ministrinë e Mbrojtjes së Ukrainës, një grup personalitetesh të fuqishme ruse nga biznesi dhe elita politike e vendit tashmë ka filluar të zhvillohet në Rusi, i cili synon të largojë Putinin “sa më shpejt të jetë e mundur” dhe të rivendosë ekonominë dhe lidhjet me Perëndimin, të cilat u shkatërruan nga sanksionet e vendosura nga pushtimi i Ukrainës.
Sipas Shërbimit të Ukrainës, sa i përket mënyrave sesi mund të “rrëzohet” Putini nga pushteti, nuk mund të përjashtohet një “aksident”, “sëmundje e papritur”, apo “helmim”.
“Këto procese ka të ngjarë të lidhen me ‘zbrazjen’ e fundit të pozicioneve çeçene në Kievin verior. Informacioni erdhi nga pala ruse. Kjo është ndoshta mënyra se si udhëheqja e FSB po përpiqet të dobësojë ndikimin e Kadyrov,” tha ministria e mbrojtjes.
Në të njëjtën kohë, Shërbimi Informativ i Ministrisë së Mbrojtjes së Ukrainës raportoi se Rusët po dërgojnë një grup të ri terroristësh mercenar, me qëllim të eliminimit të udhëheqjes së vendit. Raporti thoshte se një grup i krijuar nga miku i ngushtë i Putinit dhe pronari i grupit të zgjedhur të Wagner-it, Yevgeny Prigogine, kishte filluar të mbërrinte në Ukrainë për të “ekzekutuar” Zelenskyn, kreun e administratës presidenciale Andrei Germak dhe kryeministrin Dennis Smihal.
