Indonezia ndodhet në një gjendje të vështirë pas përmbytjeve për shkak të shirave të rrëmbyeshëm. Situata është rënduar me kalimin e orëve, teksa njerëzit kanë mbetur të bllokuar nga uji. Në pamjet e shpërndara shihet se uji ka mbuluar totalisht banesat, e ndërsa duket vetëm çatia.
Deri më tani raportohet për shtatë persona të vdekur në Sulawesin Jugor të Indonezisë. Ekipet e kërkim shpëtimit janë në terren për ti ardhur në ndihmë banorëve vendas që gjendjen në vështirësi.
Rrëshqitjet e dheut goditën regjencën Luwu në Sulawesi të Jugut të premten, tha Abdul Muhari, zëdhënës i agjencisë indoneziane për zbutjen e fatkeqësive (BNPB), në një deklaratë të shtunën.
Gjithsej 14 banorë humbën jetën për shkak të përmbytjeve dhe rrëshqitjeve të dheut në regjencën Luwu.
Në një zonë tjetër të Sulawezit të Jugut, të paktën një person vdiq dhe dy të tjerë u plagosën, tha Abdul. Sipas BNPB, më shumë se 100 shtëpi u dëmtuan rëndë dhe 42 u shkatërruan, ndërsa katër rrugë dhe një urë u dëmtuan.
Rreth 115 njerëz u evakuuan në xhami ose shtëpi të të afërmve dhe më shumë se 1,300 familje u prekën me autoritetet që përpiqeshin t’i evakuonin.
Indonezia ka pësuar një sërë ngjarjesh ekstreme të motit të fundit gjatë sezonit të saj të shirave, të cilat ekspertët thonë se janë bërë më të mundshme nga ndryshimet klimatike. Në mars, përmbytjet dhe rrëshqitjet e dheut në ishullin Sumatra vranë të paktën 30 njerëz. Ditët e fundit, disa qytete indoneziane raportuan gjithashtu nxehtësi ekstreme, por byroja e motit të vendit, BMKG, tha se temperaturat në rritje nuk ishin pjesë e një valë të nxehti që aktualisht përfshin pjesën më të madhe të rajonit të Azisë Juglindore.
