Së fundmi pjesëtarja e grupit të famshëm “Spice Girls” ka dhënë një intervistë prekëse për “ITV” ku ka zbuluar se shumë shpejt do të publikojë librin e parë autobiografik.
Këngëtarja është shprehur se në këtë libër zbulohen të gjitha pjesët e errëta të 10 viteve të fundit të jetës së saj, vendimet e gabuara, alkooli, abuzimi nga ish bashkëshorti Stephen Belafonte dhe 3 vajzat e saj.
Ajo tregoi se të shkruarit këtë libër ishte një eksperiencë çliruese por ka thekuar se nuk ka folur negativisht apo akuzuar asnjë nga partnerët e saj. 3 vjazat e saj kanë baballarë të ndryshëm dhe secila prej tyre është ngjizur me dashuri.
E pyetur nëse do t’i lejojë vogëlushet e saj që ta lexojnë këtë libër, Mel është shprehur se po pasi në të zbulohet i gjithë rrugëtimi i jetës së saj të vështirë, dhe ato mund të mësojnë shumë nga eksperiencat e mamasë së tyre.
