Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

“Sot do bëheshe 27 vjeç…” Barbana Dini na përlot me dedikim për vëllain e saj, Ergin!

Nëntorin e vitit 2016, këngëtari Ergi Dini ndërroi jetë në një aksident fatkeq me motor me mikun e tij. Artisti i ndjerë ishte vetëm 22 vjeç kur pësoi aksidentin që i mori jetën. Si çdo vit nuk mund të mungojë dhe dedikimi i së motrës për ditëlindjen e tij, të cilën fatkeqësisht duhet ta kalojë pa të.

Pak më parë, këngëtarja Barbana Dini i dedikoi vëllait të saj disa fjalë të cilat me të vërtetë na përlotën.

Sot është dita jote e lindjes, do bëheshe 27 vjeç! Nuk gjej dot fjalë ta shpreh se sa shumë mall kam për ty Ergi! Nuk ka moment që nuk të kam në mendje… koha kalon,malli shtohet e fjalët pakësohen sepse nuk kanë më vlerë…Festo me engjëjt,engjëlli im, dhimbja ime më e madhe…

Një humbje e rëndë ishte ndarja nga jeta e këngëtarit Ergi Dinit. Një humbje jo vetëm për familjarët dhe miqtë por edhe për artin shqiptar. Pak kohë pas ndarjes nga jeta të Ergit, e motra tregoi se e ‘gdhendi’ në trup fytyrën e tij. Këtë e bëri me dije me anë të një postimi në Facebook asokohe.

Për këtë kujtim shumë domethënës për mua, që me art e ngjalli, duke ma bërë pjesë të trupit, vëllain tim Ergin.

Ajo, gjithashtu risolli projektet muzikore të lëna përgjysmë nga i ndjeri.

E ndjej si detyrim moral t’ju njoftoj të gjithëve ju që keni pasur aq shumë dashuri për Ergin se teksti i këngës “Mama” është i fundit për nga periudha që u krijua (2 javë para) pasi ai krijonte vazhdimisht. Ai e bëri me shumë dashuri për mikun e tij Irkencin. Pasurinë e tij që la pas e kam unë dhe do të realizohen prej meje. Eshtë e kuptueshme që do duhet pak kohë për realizimin e tyre sepse ai donte perfeksionin dhe ashtu do jetë dhe realizimi i tyre…