Një spikere amerikane e lajmeve mori një propozim martese nga i dashuri i saj që punon gjithashtu në të njëjtin televizion. Teksa ishte duke prezantuar, spikerja e lajmeve në ‘Local 3 News’ me bazë në Tenesi, Cornelia Nicholson u shtang kur pa të dashurin e saj Riley Nagal, i cili doli para saj me një buqetë me lule dhe me një unazë.
Kur Nicholson po lexonte nga teleprompteri, ajo nuk e dinte se historia që po prezantonte në lajme ishte në fakt historia për të dhe të dashurin e saj. Pasi e kuptoi se për çfarë bëhet fjalë, Nagel i afrohet dhe i propozoi asaj martesë.
Ai tha se mendoi se “do të ishte e përshtatshme t’i bënte këtë pyetje këtu pasi u takuan në lajme”, përpara se të ulej në gjunjë dhe të pyeste: “Cornelia Nicholson do të martohesh me mua?” Mes lotësh, Nicholson u përgjigj: “Do të qaj, po!” Siç shpjegon Riley, ata u njohën katër vjet më parë kur të dy ushtronin të njëjtin profesion.
Nicholson më vonë postoi në faqen e mediave sociale X, dikur Twitter, për të ndarë një video të propozimit të saj, duke thënë se ishte “dita më e përsosur”. Ajo shkroi:
Faleminderit të gjithë miqve/bashkëpunëtorëve të mi që ndihmuan për ta fshehur këtë nga unë dhe për ta realizuar atë!
E pyetur nga një përdorues i X se si producentët arritën ta mbanin propozimin një surprizë, Nicholson tha se skenari ishte fshehur në një përmbledhje të mëparshme dhe u ndërrua pak para se ajo të lexonte atë.
FIANCÉ: The love of my life proposed to me on tv 😭 I’m still in shock! This was the most perfect day. Thank you to all my friends/coworkers who helped hide this from me and make it happen! 💖💖 @Local3News pic.twitter.com/YL4iXyWpMF
— Cornelia Nicholson (@CorneliaLocal3) August 20, 2023