Kozeta Kurti rikthehet në Top Albania Radio me shumë energji pozitive por edhe shumë melankoli.
Ajo është kthyer pas në kohë për të kujtuar vitet ’90 që ajo i quan vite magjike dhe të papërsëritshme. Gjithçka në atë kohë ishte më e thjeshtë në jetën sociale e kolektive.
Flirtimi është një ndër ato gjëra që sipas Kozetës ka ndryshuar shumë por fatkeqësisht jo për mirë. Asokohe kur i afroheshe një femre për të cilën kishe simpati duhet të zgjidhje një mënyrë sa më romantike duke i kënduar një këngë apo ta ftoje për të pirë një gotë duke i recituar vargje të Remarkut. Ndërsa sot gjithçka vërtitet rreth materializmit.
Kozeta shtoi se nëse disa nga këto mënyra delikate dhe të sjellshme do të kishin mbijetuar edhe në ditët e sotme, lidhjet dhe flirtimet do të ishin më afatgjata dhe çiftet do të ishin më të lumtur.