Khloe Kardashian u rishfaq pas një beteje me COVID-19 vetëm muajin e kaluar. Ylli 37-vjeçar i “KUWTK” u fotografua për herë të parë pas disa javësh teksa shfaqte format e saj me një kostum të Fendi x SKIMS ndërsa xhironte shfaqjen “Hulu”.
E shoqëruar nga mikja e saj Malika Haqq, të dyja u panë të takoheshin në JOEY në zonën Woodland Hills të mërkurën pasdite.
Khloe u pa në një pjesë nga koleksioni i Fendi x SKIMS të motrës Kim Kardashian, i publikuar së fundmi, teksa doli nga restoranti.
Ajo dukej se ishte zëdhënësja më e mirë e motrës së saj për kostumin dhe bashkëpunimi luksoz me Kim Jones të Fendi-t bëri një milion dollarë në minutën e parë.
Themeluesja e “Good American” ka perfeksionuar pamjen me një çantë rrip prej kamoshi Fendi dhe me një palë çizme me taka ngjyrë kafe. Khloe dhuroi një buzëqeshje teksa mbante syze dielli ngjyrë kafe dhe shkëlqente me flokët e saj bjonde të drejta.
Kujtojmë, se Khloe Kardashian, e cila luftoi me koronavirusin vitin e kaluar, konfirmoi më 29 tetor se ishte diagnostikuar edhe një herë me Covid. Vajza 3-vjeçare e saj, True Thompson, gjithashtu doli pozitive. Khloe Kardashian dhe True Thompson u karantinuan pasi rezultuan pozitive me koronavirus.
Gjithashtu, në një video të shpërndarë në platformën e mediave sociale, Khloe dhe True u panë duke u përqafuar së bashku në shtrat ndërsa shikonin televizor. Ylli i “Keeping Up With the Kardashians” i ka mbajtur fansat të informuar për rikuperimin e saj dhe True, duke postuar në Instagram më 2 nëntor për të ndarë detaje lidhur me betejën shëndetësore.
