Influencuesja e udhëtimeve në TikTok është kritikuar nga ndjekësit për të gjitha pushimet e saj të realizuara në vitin 2020. Barbora Ondrackova ndau udhëtimet e saj nëpër botë nga viti i kaluar, duke përfshirë restorante të ndryshme dhe qëndrime në hotele të ndryshme në botë.
Disa nga pushimet përfshinin udhëtime në ski, pushime në Maldive, Paris, Dubai, Budapest, Austri dhe Itali.
Në fotot e publikuara, ajo shihet pa maskë në fytyre. Përdoruesit e mediave sociale e kritikuan Barbora-n për publikimin e këtyre fotove teksa shumë të tjerë janë detyruar të futen në karantinë ose janë të bllokuar për shkak të rritjes së rasteve të koronavirusit nëpër botë.
Një person shkroi:
Kjo është aq fyese për infermierët, mjekët dhe të gjithë të tjerët që përpiqen t’i mbijetojnë kësaj pandemie. Por jo, ju vazhdoni të kërceni.
Sidoqoftë, jo të gjithë ranë dakord se ajo ishte duke kryer diçka gabim. Disa njerëz thanë se ajo ishte “duke jetuar, jo duke mbijetuar”. Të tjerët thanë se do të bënin të njëjtën gjë nëse do të kishin para për të udhëtuar si ajo.
Barbora ende nuk i është përgjigjur këtyre kritikave në rrjetet e saj sociale. Ajo iu përgjigj disa përdoruesve duke thënë se ajo shmangu SHBA, si një nga zonat më të rrezikshme në botë.
Ju si mendoni, ka vepruar mirë Barbora?
