Aspartami, një nga ëmbëlsuesit artificialë më të përhapur në botë, ka gjasa të jetë një substancë kancerogjene, sipas një njoftimi nga Organizata Botërore e Shëndetësisë. Nëse diçka e tillë është e vërtetë, atëherë njoftimi pritet të sjellë përçarje të madhe në industrinë ushqimore.
Aspartami, i cili përdoret në produkte nga pijet e gazuara dietike deri te çamçakëzët dhe pijet pa sheqer, do të renditet në korrik si një “substancë kancerogjene e mundshme” për herë të parë nga Agjencia Ndërkombëtare për Kërkimin e Kancerit (IARC). Ndërkaq, mos përdorni zëvendësues të sheqerit nëse po përpiqeni të humbni peshë, sipas udhëzimeve të reja nga Organizata Botërore e Shëndetësisë.
Organizata globale e shëndetit tha se një rishikim sistematik i provave në dispozicion sugjeron se përdorimi i ëmbëltuesve pa sheqer, ose NSS, “nuk sjell ndonjë përfitim afatgjatë në reduktimin e yndyrës së trupit tek të rriturit ose fëmijët”. Që konsumimi i tepërt i sheqerit është i dëmshëm për shëndetin, kjo dihet. Së fundmi, studiuesit e Columbia University në Nju Jork kanë publikuar në revistën shkencore “Cell” një studim, që tregon, se si influencon sheqeri mikrobiomën e zorrës së trashë tek minjtë e kjo madje me pasoja për sistemin imunitar.
