Bella Hadid tërhoqi vëmendjen teksa doli me një tjetër veshje që binte në sy gjatë Javës së Modës në Milano të shtunën me të dashurin e saj Marc Kalman. Supermodelja veshi një këmishë të çuditshme ngjyrë vjollce, jeshile dhe të verdhë.
Ajo e kombinoi veshjen me një fund me vija. Me një estetikë shkollore, ajo shtoi çorape të larta dhe atlete të zeza dhe mbante një kapele bejsbolli jeshil në kokë. Flokët e saj brune ishin të stiluara me gërsheta të rregullta franceze. Marc eci pas saj, duke veshur një këmishë të zezë dhe të bardhë Adidas dhe pantallona kadifeje ngjyrë bezhë.
Bella është shoqëruar nga Marc për udhëtimin e saj në kryeqytetin e modës italiane, megjithatë kopertina e Vogue tenton ta mbajë lidhjen e tyre private. Bella dhe Marc janë në lidhje që nga viti i kaluar pas ndarjes së saj nga The Weeknd në vitin 2019. Dyshja u bë publike me romancën e tyre korrikun e kaluar, kur ajo postoi një foto të saj dhe Marc.
Thuhet se ata e kanë vazhduar romancën në Nju Jork në mes të pandemisë së koronavirusit, duke u siguruar me ngulm që të mos kapeshin kurrë bashkë. Bella ka bërë emër në botën e modelingut gjatë disa viteve të fundit. Në fillim të karrierës së saj në vitin 2016, Bella u votua Modelja e Vitit nga profesionistët e industrisë. Ky ishte i njëjti vit që ajo mori pjesë në shfaqjen e saj të parë të modës në Victoria’s Secret.
