Edhe Eminem ka hapur sfidën më të re në Instagram që duket mjaft argëtuese.
Reperi i cili shkëlqeu me performancën e tij të “Lose Yourself” në ceremoninë e ndarjes së çmimeve “Oscar”, ka hapur “#GodzillaChallenge”.
Me anë të kësaj sfide të gjithë fansat e tij duhet të ‘rap’-ojnë po aq shpejt se ai një pjesë të tekstit nga bashkëpunimi më i ri me Juice WRLD, “Godzilla”.
Videot do të postohen në rrjetet sociale me thurjen e mësipërme të emrit të sfidës dhe më të bukurat do të marrin një shumë parash nga artisti.
Në klipin 30 sekondësh të Eminem, reperi shihet duke ‘rap’-uar 224 fjalë me 330 rrokje që sipas “Genius” brenda 1 sekondi ai thotë 7.23 fjalë.
Edhe pse sfida duket mjaft e vështirë duke marrë në konsideratë faktin se Eminem është reperi më i mirë i të gjitha kohërave, fansat e kanë marrë me sportivitet dhe janë të gatshëm të bëhen pjesë e saj.
