Google po e fuqizon aplikacionin e saj Keep për mbajtjen e shënimeve me chatbot-in me Inteligjencë Artificiale, Gemini. Së shpejti, Keep do të pajiset me butonin “Help me create a list”, i cili ka për qëllim ta bëjë edhe më të lehtë krijimin e listave për aktivitete të përditshme.
Ky funksion gjenerues i Al mund të ju ndihmojë të krijoni lista të blerjeve apo edhe detyrave. Pasi kjo veçori të shpërndahet te të gjithë telefonat, ju mund të kërkoni nga Gemini në Keep që t’iu ndihmojë me lista të ndryshme si për shembull me paketimet për një udhëtim apo filma të ndryshëm.
Për momentin, funksioni “Help me create a list” nuk ka një datë zyrtare të prezantimit. Mirëpo, ndarja e informacioneve private ose të ndjeshme mund të mos jetë ide e mirë. Kështu që Google rekomandon që të mos e “ushqeni” aplikacionin Keep tashmë të fuqizuar nga Al me të dhëna të papërshtatshme.
Rikujtojmë, se Google ka larguar 13 aplikacione nga Play Store, menjëherë pasi ekspertët e sigurisë McAfee zbuluan se ato përmbanin virusin Xamalicious. Ky virus lejon shkarkimin e të dhënave në distancë, vetëm pasi të instalohet aplikacioni.Përdoruesit këshillohen që t’i fshijnë menjëherë këto aplikacione nga telefonat e tyre, para se telefoni i juaj të përfshihet nga virusi. Ja se për cilat aplikacione bëhet fjalë:
Essential Horoscope for Android
3D Skin Editor for PE Minecraft
Logo Maker Pro
Auto Click Repeater
Count Easy Calorie Calculator
Sound Volume Extender
LetterLink
NUMEROLOGY: PERSONAL HOROSCOPE & NUMBER PREDICTIONS
Step Keeper: Easy Pedometer
Track Your Sleep
Sound Volume Booster
Astrological Navigator: Daily Horoscope & Tarot
Universal Calculator
