Reperi i njohur Drake ka bërë një tatuazh të ri mbi vetulla ku ka shkruajtur ‘miskeen’. Fjala përkthehet në “i varfër” dhe përdoret zakonisht në qytetin e lindjes së krijuesit të hiteve për të përshkruar një person të ëmbël dhe të pafajshëm. Duket se fansat nuk kanë pëlqyer këtë ndryshim të Drake, pasi ai potencialisht po e etiketon veten si “i varfër”. “Djali jeton në një rezidencë prej 150 milionë dollarësh”,-shkroi një person në X. “Nëse Drake e thotë këtë, cila është fjala për ne të tjerët?”,-shtoi një tjetër.
Drake zotëron një rezidencë në Toronto që thuhet se vlen 100 milionë dollarë. Reperi ka gjithashtu një koleksion të çantave Birkin që ai ka blerë për gruan e tij të ardhshme. Reperi i “Marvin’s Room” gjithashtu posedon një shtëpi prej 18,000 metrash katrorë në Beverly Hills me vlerë 65 milionë dollarë. Ai e dha atë me qira për rreth 215,000 dollarë në muaj në tetor 2021.
Rikujtojmë, se reperi ka publikuar së fundmi albumin e tij më të ri me titull “For All The Dogs”. Albumi në fjalë përmban 23 këngë të reja dhe kënga e tij e fundit titullohet “Polar Opposites”. E veçanta e kësaj kënge është se në vargjet e saj ai ka përmendur Prishtinën. “Ose është mesazhi yt që po e lexoj gabim; Ose thjesht veprimet tuaja janë mashtruese; Nuk e di se si i bëjnë gjërat në Prishtinë; E di që tensioni po rritet; Ka shumë njerëz të vdekur për mua që ende marrin frymë”, thotë mes të tjerash në vargjet e këngës reperi kanadez. Nuk dihet se prej nga ka ardhur frymëzimi i reperit për të përmendur kryeqytetin e Kosovës në këngën e tij.
