Izraeli ka sulmuar ashpër Organizatën e Kombeve të Bashkuara, duke theksuar se përsakohë nuk merr masa sa i përket konfliktit në Gaza, nuk ka arsye pse të ekzistojë.
Ambasadori Gilad Erdan foli në Asamblenë e Përgjithshme për fëmijën izraelit Kfir, peng i Hamasit, i cili festoi ditëlindjen e tij të parë në robëri.
“Dhe ju preferoni të diskutoni armëpushimin?”- bërtiti ai, duke premtuar se vendi i tij do të vazhdojë të luftojë për t’u mbrojtur.
“Një organizatë që nuk mban qëndrim kur një fëmijë një vjeçar merret peng është bashkëpunëtor i terroristëve dhe nuk ka arsye të ekzistojë“- tha ai, duke drejtuar sërish gishtin nga OKB për “vazhdimin e përqendrimit në armëpushimi në Gaza dhe për ndihmën dhe jo për pengjet”.
Izraeli do të paraqitet para Gjykatës Ndërkombëtare të Drejtësisë këtë javë në një çështje të rrezikut të lartë që mund të përcaktojë rrjedhën e luftës brutale në Gaza.
Ky është një rast i paprecedentë. Ekspertët thonë se është hera e parë që shteti hebre po gjykohet sipas Konventës së Kombeve të Bashkuara për gjenocidin, e cila u hartua pas Luftës së Dytë Botërore në dritën e mizorive të kryera kundër popullit hebre gjatë Holokaustit.
Qeveria e Afrikës së Jugut, një pasardhëse e regjimit të aparteidit, ngriti çështjen kundër Izraelit, duke e akuzuar atë për shkelje të detyrimeve të tij sipas konventës në luftën e tij kundër Hamasit në Gaza.
Izraeli e ka hedhur poshtë me vendosmëri akuzën, me kryeministrin Benjamin Netanyahu që e quajti atë akuzë të rreme.
Presidenti izraelit Isaac Herzog tha të martën se vendi i tij do të paraqesë një rast duke përdorur vetëmbrojtje për të treguar se po bën maksimumin në rrethana jashtëzakonisht të ndërlikuara për të shmangur viktimat civile në Gaza.
Eliav Lieblich, një profesor i së drejtës ndërkombëtare në Universitetin e Tel Avivit, tha për CNN se rasti është i rëndësishëm politikisht dhe ligjërisht.
“Një pretendim për gjenocid është akuza më e rëndë ligjore ndërkombëtare që mund të bëhet kundër një shteti”, tha ai.
