Ditën e kaluar në Milano u mbyll Java e Modës ndërkohë që sfilata e shumëpritur e Armani u anulua në moment të fundit.
Ishte vetë stilisti ai që bëri të ditur se sfilata e koleksionit vjeshtë-dimër 2020 është anuluar për shkak të frikës nga Koronavirusi.
Giorgio Armani tregoi se ky vendim është marrë për sigurinë dhe mirëqënien e të ftuarve duke mos u kërkuar të jenë të pranishëm në të tilla evente të mëdha dhe shumë të populluara.
Sfilata e tij do të mbahet në një moment të dytë në dyer të mbyllura por do të transmetohet live në faqen zyrtare të Armani ose në rrjetet sociale të kësaj marke.
