Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Bota

Ligji për abortin në Teksas, bllokohet përkohësisht!

Një gjyqtar amerikan bllokoi përkohësisht ligjin e ri shumë të debatuar në Teksas, që iu ndalon abortin grave. Robert Pitman kërkoi nga administrata e presidentit Biden, të mos lejojë zbatimin e ligjit, për aq kohë sa po sfidohet.

Ligji është miratuar nga politikanët republikanë në Teksas ndërsa vendimin e sotëm Shtëpia e Bardhë e përshëndeti dhe e konsideron “të rëndësishëm” për kthimin e të drejtave kushtetuese të grave.

Në një dokument me 113 faqe, Pitman nga Austin shkruan:

Në momentin kur ligji hyri në fuqi, më 1 shtator, grave iu ndalua në mënyrë të paligjshme të kontrollojnë jetën e tyre, siç parashikohet në Kushetutë.

Një numër klinikash në Teksas thanë se planifikojnë të rikthejnë abortet, “sa më shpejt të jetë e mundur”. Por në anën tjetër, grupet kundër abortit akuzojnë gjyqtarët për “ushqim të industrisë së abortit”.

Presidenti Biden e ka përshkruar ligjin si “sulm të pashembullt” ndaj të drejtave të grave, por guvernatori i Teksasit, Greg Abbott e ka mbrojtur, duke theksuar se “liria më e madhe është vetë jeta”. Administrata e shefit të Shtëpisë së Bardhë ka nisur veprime ligjore kundër këtij vendimi pasi Gjykata e Lartë me shumicë konservatore, nuk ia ndaloi Teksasit zbatimin e ligjit.