Miriam Cani është prej kohësh një këngëtare që njihet për zërin e saj të ëmbël dhe të mrekullueshëm. Së bashku me partnerin e saj, Alban Skënderaj bëjnë një çift shumë të pëlqyer të showbiz-it. Dyshja edhe pse jo shpesh kanë realizuar disa bashkëpunime, të cilat kanë rezultuar shumë të suksesshme dhe kanë numëruar miliona klikime.
E duket se mund të kemi një tjetër hit prej artistëve! Pak më parë, çifti kanë publikuar të njëjtat fotografi romantike, teksa shfaqen duke u puthur në perëndimin e diellit. Përpos faktit që na ‘shkrinë zemrat’, duket se edhe na paralajmëruan për një bashkëpunim mes tyre.
Në kohë të mira e të vështira! dhe Zemër përmbi zemër!
Në fakt më së shumti këto fjalë na bëjnë të mendojmë se janë vargje kënge dhe dyshimet për këtë i shton pjesa që dyshja i kanë bërë tag bashkëpunëtorëve të tyre në muzikë.
Rikujtojmë se, Albani dhe Miriami kanë disa bashkëpunime të hershme me njëri-tjetrin. I pari është “Let me die with you, ku dy artistët ishin shumë të rinj, para 8 viteve. Më pas, ata publikuan “Dhurata” një këngë dedikuar të bijës, Ameli. Dhe në 2019 erdhën me “Duam”, bashkëpunimi i tyre i fundit, titulli i së cilës kanë pagëzuar djalin e tyre të vogël.
Rikujtojmë se, Miriami dhe Albani janë prindër të fëmijëve, një vajze dhe një djali. Dyshja e këngëtarëve që janë gjithmonë pranë publikut kanë rrëfyer historinë e ëmbël se si zbuluan që engjëlli i tyre do të vinte në jetë kur ata kurorëzuan dashurinë e tyre në martesë e gjithashtu teksa ishin edhe në xhirimet e klipit “Duamë”.