Don Xhoni është padyshim një nga reperët më të mirë dhe më në zë të momentit. Çdo projekt i ri muzikor që ai publikon arrin të fitojë miliona klikime dhe të dëgjohet kudo. Jo vetëm kaq, por reperi i hit “Make a pose” ka arritur të dëgjohet në shumë vende të botës duke arritur kështu një sukses të jashtëzakonshëm në kaq pak kohë karrierë të tij.
E kush është ndjekës fanatik i tj, padyshim ka dëgjuar për marrëdhënien e tij me modelen seksi ruse që sa vjen dhe na habit edhe më shumë. Fillimisht, Ariana e ‘gdhendi’ në trup portretin dhe emrin e reperit me një tatuazh dhe deri këtu u mendua si një gjest ‘i çmendur’ i një fanseje të tij. Mirëpo, deklaratat në rrjete sociale, video-t live ku i thonin njëri- tjetrit “të dua” dhe mbështetja e madhe që tregonin për njëri- tjetrin na shtuan dyshimet se mund të ketë diçka më shumë mes tyre.
Pak ditë më parë, Ariana i habiti të gjithë me veprimin e saj, ku në fund të një shkrimi në rrjete sociale shkroi:
Nga Ariana Isufi (Isufi është mbiemri i Don Xhoni-t)
Jo vetëm kaq, por pas kësaj modelja ripostoi një fotografi të Donit duke shkruar:
I preferuari i mamasë sime
E teksa shprehja e dashurisë në rrjete sociale vazhdon, një koment i Don Xhonit në një fotografi të modeles ruse na ka bërë shumë përshtypje. Ai e ka cilësuar Ariana-n si ‘babushka’ e cila në gjuhën ruse ka kuptimin e një gruaje në moshë ose gjysheje.
Reperi vetëm para pak ditëve ka publikuar këngën e tij më të re “Trust me” dhe deri më tani ka mbi 4 milion klikime. Ky projekt muzikor ka arritur të pëlqehet shumë nga ndjekësit e tij duke e sjellë Don Xhonin në ‘origjinë’ me këngët e tij ‘hip-hop’ pasi na emocionoi me këngën verore për dashurinë “Deri kur”.
