Një i ftuar shumë special ishte sot në “Ndryshe”! Bëhet fjalë pikërisht për politikanin, Nard Ndoka i cili ju përgjigj pa asnjë ngurrim disa pyetjeve shumë pikante nga prezantuesit, Salsano dhe Adi. Ai foli për gjithçka rreth politikës, nisur nga mendimi i tij për situatën Berisha-Basha që po kryeson vëmendjen e mediave dhe duke vazhduar me Edi Ramën.
Çfarë mendimi ka z.Ndoka lidhur me Bashën dhe gjithë situatën e krijuar në PD, teksa ka folur me superlativa për ish- kryeministrin, Sali Berisha dhe presidentin Ilir Meta.
Luli mbeti një kastravec në hije. Për 8 vite kishte alternativa të tjera brenda PD-së. Basha u bë lider në mënyrë artificiale. Vetëm një herë t’i bërtasë Berisha (Gazmend Bardhit dhe Lulzim Bashës) ata ikin vetë, janë pesha të lehta si politikanë dhe si njerëz. Basha i vetmi hajdut në Europë që u bë i pasur në opozitë.
Shqipëria ka shumë pak lider, ndër të paktët është Berisha. Rikthimi i tij është një domosdoshmëri. Ai është kryeministri më i përgjegjshëm. Berishën e zgjuan nga gjumi, zgjuan bishën dhe kur bisha zgjohet të merr përpara. Vetëm me z.Berisha do të kthehesha të bashkëpunoja në PD.
Ilir Meta është një politikan i jashtëzakonshëm, i pathyeshëm. Për moshën që ka, i ka provuar të gjitha. Do të rikthehet në politikë dhe do të jetë politikani i surprizave.
Duke ditur se janë në anë të kundërta, çfarë mendimi ka z.Ndoka lidhur me kryeministrin e vendit, Edi Rama?
Rama tall tr*pin, ky është stili i tij. Rama është një drejtues se lider është fjalë e madhe. Sjellja e afganëve në vendin tonë është servilizëm. Jemi vend i varfër, mezi po mbajmë veten të mbajmë të tjerët.
E z.Ndoka nuk mund t’i shpëtonte pyetjes së momentit se kush është i preferuari i tij nga ‘Big Brother VIP’ dhe nëse do të kishte një “Big Brother” me politikanë, cilat nga gratë e politikës do të donte brenda shtëpisë ai.
E kam ndjekur nëpër rrjete sociale. Me Donaldin, jam njohur nga një emision, ishte tip interesant. Kështu si e ka marrë do vazhdojë edhe me burrat (qesh). Do doja Spiropalin, Ballukun dhe Grida Dumën.
