Mund të duket çudi por është e vërtetë! Shahisti 16-vjeçar nga India, Rameshbabu Praggnanandhaa arriti që të mposhte shahistin numër një në botë, Magnus Carlsen në një turne. Që në moshën 10-vjeçare, ai kishte marrë titullin “mjeshtër”, duke thyer rekord në këtë sferë, ndërsa u përball me norvegjezin Carlsen, numër 1 në renditjen botërore, në një turne online Kampionati Meltwater me shpërblim prej 1.5 milionë dollarë.
Shaisti indian i cili në vitin 2018 u bë “mjeshtër i madh”, e mundi kundërshtarin 31-vjeçar me 5 kampionate botërore të fituara me 39 lëvizje duke arritur një sukses të rëndësishëm dhe mund ta themi të jashtëzakonshëm. Praggnanandhaa u bë sportisti më i ri që ka fituar Carlsen-in që nga viti 2013 kur u bë kampion botëror.
Sportisti norvegjez, më parë kishte humbur edhe ndaj mjeshtërve të mëdhenj indianë si Viswanathan Anand dhe Pentala Harikrishna.
Rameshbabu Praggnanandhaa arriti një fitore mahnitëse në turneun elitar të shahut të shpejtë nga kompjuteri i tij në Indi. Në Chennai, ku jeton Praggnanandhaa, ishte gati 3 e mëngjesit. Ai i dërgoi mesazh trajnerit të tij dhe zgjoi të atin për t’u treguar për fitoren. Praggnanandhaa – i njohur gjithashtu si Pragg – sapo ishte bërë personi më i ri që mundi Carlsen, 31 vjeç, që kur u bë kampion bote në 2013. Kryeministri Narendra Modi i Indisë uroi “gjeniun e ri” për fitoren e tij në Twitter.
I uroj të talentuarit Praggnanandhaa më të mirën për përpjekjet e tij në të ardhmen.
Sachin Tendulkar, një yll indian në pension i kriketit, i konsideruar si një nga lojtarët më të mëdhenj në historinë e sportit, gjithashtu uroi Praggnanandhaa në Twitter dhe e përshkroi fitoren e tij si “magjike”.
Ju e keni bërë Indinë krenare!
Në lidhje me lojën e tij një mjeshtër ndërkombëtar që përmbledh turnetë dhe diskuton strategjinë në kanalin e tij në YouTube, GothamChess tha se:
Ai e kontrolloi lojën, mendohej, nga fillimi në fund, gjë që Magnus u bën njerëzve.
