Ata që nuk përdorin rripin e sigurisë dhe sistemet e fiksimit për pasagjerët deri në 12-vjeç, ndëshkohen me masë administrative, me gjobë me vlerë 5.000-15.000 lekë dhe pezullim të lejes së drejtimit për një periudhë nga 6 deri në 12 muaj.
Duke marrë shkas nga një rast konkret i konstatuar, Policia e Shtetit ka publikuar në rrjetet sociale një video të xhiruar gjatë patrullimit në kryeqytet, me qëllim parandalimin e aksidenteve rrugore.
Policia Rrugore vijon apelin për respektim të rregullave të qarkullimit rrugor nga drejtuesit e automjeteve. Efektivët bëjnë apel veçanërisht për kujdes për sigurinë dhe shëndetin e vetes dhe fëmijëve.