Claudia Sofia Carrera Jaimes është 26-vjeçarja kolumbiane që protestoi sot e zhveshur para Prokurorisë së Tiranës.
Top Channel ka mësuar se çfarë tha ajo në polici.
Nuk është veprim i turpshëm, e pashë si të vetmen mënyrë për të kërkuar të drejtën time, unë kam ngecur në Shqipëri, nuk më japin pasaportën.
Dyshohet se për 26-vjeçaren nga Kolumbia kanë nisur hetimet që në prill, pasi iu gjetën 5 gramë lëndë narkotike.
Ajo u kthye në qendër të mediave shqiptare, kur vendosi të dilte nudo para organit të drejtësisë, pasi sipas saj po i zvarritet procesi.
