Vitaminat janë të nevojshme për funksionimin, rritjen dhe zhvillimin normal të qelizave. Aktualisht, ka 13 vitamina thelbësore. Ekspertja e Harvardit, Uma Naidoo në një intervistë për BBC shprehet se:
Nga këto, duhet t’i jepet përparësi vitaminave të grupit B, të cilat ndihmojnë në ndalimin ose ngadalësimin e plakjes së trurit. Gjëja e parë që duhet të dimë është se nuk ka një vitaminë të vetme B, por 8 lloje (kobalaminë, acid folik, piridoksinë, acid pantotenik, niacinë, riboflavin, tiaminë dhe biotinë). Edhe pse këto vitamina mund të merren edhe me suplemente ushqimore, është e nevojshme të theksohet se konsumimi i tyre nëpërmjet ushqimit lidhet me një rrezik më të ulët të vdekjes.
Vitaminat B gjenden natyrshëm në drithëra, mish, perime dhe produkte qumështi. Ato janë të tretshme në ujë, kështu që trupi nuk mund t’i ruajë ato në sasi të mëdha dhe në vend të kësaj ka nevojë për furnizim të vazhdueshëm.
Kur bëhet fjalë për vitaminat, të besosh se të hash apo të pish diçka shtesë do të të ndihmojë më shumë është zakonisht një mit.
Përveç kësaj, ajo tregon se ushqimet mund të jenë të shëndetshme veçmas, por jo domosdoshmërisht nëse i bashkojmë. Ndër ushqimet me më shumë vitamina të grupit B janë vezët dhe mishi i viçit. Ndonjëherë suplementet e vitaminave mund të na ndihmojnë të plotësojmë boshllëqet në dietën tonë. Përthithja mund të varet nga ato që merrni së bashku dhe gjithashtu mund të çojë në ndërveprime të dëmshme për shëndetin tuaj.
