Gjatë Botërorit të Katarit, ka qenë Georgina Rodriguez, e dashura e asit portugez, Cristiano Ronaldo, ajo që pretendon për fronin. Ndërkohë që bashkëshortet dhe të dashurat e futbollistëve po mbajnë një profil të ulët, modelja mahnitëse, 28-vjeçare, e ka veçuar veten me fotosesione të stilit të Kim Kardashian, bizhuteri të shtrenjta mbresëlënëse dhe shpërthime të egra mbi menaxhimin e partnerit të saj, 37-vjeçar.
Georgina dhe burri i saj janë në lidhje që nga viti 2017 pas takimit të parë në dyqanin Gucci ku ajo punonte. Ajo tani është më e ndjekur në Instagram, nuk është për t’u habitur që Ronaldo ka më shumë fansa në platformë se kushdo tjetër në botë.
Ndërsa shumë partnere futbollistësh shfaqen me bluza dhe atlete në Kupën e Botës, Georgina ka ide të tjera. Ajo mbërriti në ndeshjen e Portugalisë me Zvicrën të martën e veshur me një sërë bizhuterish që thuhet se kapnin vlerën e afro 2 milionë paund. Ajo dukej e pabesueshme me një fustan të zi dhe pallton jeshile.
Lista e saj luksoze e bizhuterive u krye nga një unazë fejese prej 600,000 paund nga Cristiano Ronaldo. Ajo ishte gjithashtu e zbukuruar me një komplet gjerdan dhe byzylyk prej 450,000 paund dhe një unazë në gishtin tjetër që mendohej se vlente 300,000 paund. Veç kësaj, bukuroshja brune kishte veshur një set ore me diamante që shitet për 400,000 paund.
