Nëse po vizitoni Houston për herë të parë, mos u shqetësoni nëse qendra e qytetit të katërt më të madh të Teksasit i ngjan një qyteti fantazmë. Një rrjet nëntokësor tunelesh që shtrihen më shumë se gjashtë milje i jep mundësi punëtorëve të Houstonit të lëvizë nëpër qytet në një mjedis me ajër të kondicionuar 20 metra nën trotuar.
“Kur njerëzit vijnë në Houston dhe shohin qendrën e qytetit të Houstonit, ata habiten nga ndërtesat, por pyesin veten se ku janë të gjithë njerëzit,”- thotë Stephen Fox, një historian arkitektonik dhe lektor në Universitetin Rice.
Sistemi i tunelit i cili mbulon 95 blloqe, lidh zyrat në qendër të Houstonit dhe përmban restorante, dyqane, banka, zyra qeveritare, hotele, zyra mjekësh dhe shumë më tepër. Ndërsa tunelet janë të hapura për publikun gjatë orarit normal të punës nga e hëna deri të premten, tunelet përkatëse brenda sistemit janë në pronësi të ndërtesave sipër tyre, si ‘Bank of America Tower’ dhe ‘Pennzoil Place’.
Sistemi i tunelit të qytetit filloi në vitet 1930 me një tunel të vetëm që lidhte dy kinema në qendër të qytetit. Fox tha se tunele shtesë u ngritën nëpër tokën argjilore të Houstonit në vitet 1950 dhe 1960. Nga vitet 1970, zhvilluesit filluan të lidhnin tunelet për të formuar sistemin më të madh nëntokësor që njohim sot.
Lucia Herron zotëron ‘GreenWorks Flowers’, një dyqan lulesh që ndodhet në tunele. Ajo tha se moti i nxehtë dhe me shi për të cilin njihet Houston, ofron një arsye të përsosur për punëtorët dhe turistët në qendër të qytetit për të eksploruar nëntokë. “Shumë shi ose shumë nxehtësi është ajo që i bën këto lloj vendesh funksionale për të gjithë,” tha Herron. “Pra, është përrallore të kesh tunelin, i lejon ata të komunikojnë midis ndërtesave, për ushqimin, për dhuratat, për çdo gjë që u nevojitet, sepse nëse kaloni nëpër tunele, keni gjithçka që ju nevojitet.”
