Pushuesit e Shëngjinit kthehen në heronj!

Shëngjini njihet për detin e tij paksa të rrezikshëm dhe këtë herë ka ndodhur një ‘event’ tjetër. Disa persona ishin shumë afër mbytjes pasi po notonin kur papritur nisën dallgë të mëdha e të fuqishme. Reagimi i pushuesve duket se ishte i menjëhershëm pasi ata u bashkuan duke ndihmuar personat që ishin të pashpresë në mes të detiti.
Në vendin e ngjarjes ishte dhe një infermier nga Kosova, Fitim Havolli, i cili zbuloi se në rrezik mbytje ishin 9 persona.
Pas ndodhisë ai ka bërë një postim në llogarinë e tij në Facebook ku tregonte detaje mbi çfarë kishte ndodhur. Pushuesit ishin kapur dorë me dorë dhe me litarë gjithashtu për të nxjerrë familjarët e tyre që rrezikonin jetën nën ujë. Ai u shpreh se ishte një moment i hidhur por edhe i gëzueshëm për gjestin dhe guximin e gjithë pushuesve.
Fitimi tregoi se ishte shumë i lumtur që së bashku me shokët e tij bënë një organizim të tillë për qëllime humane.