Shpërthim tritoli në Krujë, për fat të mirë pa të lënduar, por nuk mungojnë dëmet materiale. Ngjarja ndodhi herët në mëngjes, rreth dy orë e gjysmë pas mesnate, në rrugën “Zim Zeneli”. Xhamat e katër bizneseve në zonë pësuan dëmtime, ndërsa policia nisi hetimet për të zbardhur rrethanat e për të mësuar se kush ishte shënjestra. Paraprakisht bëhet e ditur se lënda plasëse ishte vënë në pjesën e asfaltit.
Njoftimi i policisë:
Më datë 03.08.2023, rreth orës 02:25, në rrugën “Zim Zeneli” (në asfalt) dyshohet se ka shpërthyer një sasi lënde plasëse dhe si pasojë e shpërthimit janë dëmtuar xhamat e katër bizneseve përreth.
Grupi hetimor po punon për sqarimin e rrethanave të ngjarjes.