Shuhen në moshën 106-vjeçare Norman Lloyd, aktori i famshëm i Hollywood-it. Këtë lajm e bëri të ditur i biri i tij, Michael Lloyd, i cili njoftoi se i ati ndërroi jetë në shtëpinë e tij në lagjen Brentwood të Los Angeles. Lloyd njihet si një ndër aktorët më të vjetër të “Hollywood-it”.
Karriera e tij daton që në dramat më të hershme amerikane, si ajo e vitit 1939, “On the Streets of New York”, deri tek projektet e shekullit të 21, si “Modern Family” dhe “The Practice. Në vitin 2015, ai u shfaq në komedinë e Amy Schumer, “Trainwreck”. Roli i tij më i famshëm është ai në filmin e vitit 1942, “Saboteur”, drejtuar nga Hitchcock, i cili gjithashtu e përfshiu Lloyd edhe në thrillerin klasik të vitit 1945, “Spellbound”.
Përsa i përket roleve të tjera të tij, ata përfshijnë filma si: “The Southerner” të Jean Renoir, “Limelight” të Charlie Chaplin, “Society Poets Dead” me Robin Williams, “In Her Shoes” me Cameron Diaz dhe “Gangs of New York” me Daniel Day-Lewis. Jo më pak të njohur janë edhe filmat: “Star Trek: The Next Generation,” “Murder, She Wrote,” “The Paper Chase,” “Quincy M.E.,” “Kojak”, “The Practice”, si dhe shumë të tjerë.
Rikujtojmë, se në 2014-tën, në shenjë mirënjohje, Këshilli i Qytetit i Los Anxhelos shpalli që ditëlindja e Lloyd, më 8 nëntor, do të nderohej si “Dita e Norman Lloyd”.
