Aktorja e njohur e Hollywood-it, Nicole Kidman, së fundmi ka kritikuar një gazetare për një pyetje “seksiste” që e krahasonte martesën e saj të mëparshme me Tom Cruise me marrëdhënien e Lucille Ball dhe Desi Arnaz. Në një intervistë të fundir me “The Guardian” në lidhje me filmin e saj të fundit, “Being the Ricardos”, Kidman foli për rolin e Ball, martesa e të cilit me Arnaz përfundoi pas më shumë se dy dekadash. Ajo u shpreh:
Bëhet fjalë për një marrëdhënie krijuese dhe romantike që nuk funksionon. Por prej saj dalin disa gjëra të jashtëzakonshme. Dhe unë e dua atë. Më pëlqen që nuk është një fund i lumtur.
Gazetarja nuk mund të mos pyeste nëse ylli i “Big Little Lies” po i referohej martesës së saj 11-vjeçare me aktorin Tom Cruise në vitet ’90, me të cilin ka dy fëmijë. Por ajo ishte e prerë në përgjigjen e saj:
Oh, Zot i madh, jo, jo. Absolutisht jo. Jo. Dua të them, kjo është, sinqerisht, kaq shumë kohë më parë saqë nuk është më në këtë ekuacion. Pra, jo. Dhe unë do të kërkoja që të mos më bëjnë pyetje në këtë mënyrë. Për mua është pothuajse seksiste, sepse nuk jam e sigurt që dikush do t’ia thoshte këtë një burri.
Rikujtojmë se, Nicole Kidman ka zbuluar se vuante nga depresioni gjatë turneut të saj fitues të çmimit Oscar si Virginia Woolf në “The Hours”. Aktorja mori rolin pas divorcit të saj nga Tom Cruise në vitin 2001 dhe pranoi se ajo u bë një ‘enë e hapur’ për mendimet e personazhit vetëvrasës. Filmi përshkruante betejat e shëndetit mendor të autores së famshme gjatë shkrimit të zonjës Dalloway dhe gjithashtu tregoi vetëvrasjen e saj duke u mbytur në lumin Ouse në vitin 1941, një skenë në të cilën Nicole këmbënguli të filmonte veten pa një sekret aktrimi.
