Ylli i “Keeping Up With The Kardashians”, Scott Disick dhe e dashura e tij Amelia Grey Hamlin, janë duke u marrë me rregullimin e disa çështjeve që po i ndikojnë në marrëdhënien e tyre. Një burim tha për “People” se Disick dhe Hamlin kanë disa mosmarrëveshje në romancën e tyre pasi Scott është diskutuar gjatë në rrjet për mesazhet e dërguara ish-partnerit të Kourtney Kardashian, Younes Bendjima. Një burim pranë tyre është shprehur se:
Scott dhe Amelia po kalojnë një periudhë të vështirë. Është pjesërisht për shkak të dramës Kourtney, por edhe për arsye të karakterit të Scott. Ata ende nuk janë ndarë përfundimisht, por Amelia nuk është e kënaqur me të.
Sipas një personi të brendshëm, Disick, 38 vjeç dhe Hamlin, 20 vjeçe, zgjodhën të mos e kalonin së bashku fundjavën e Ditës së Punës.
Ata e kanë kaluar fundjavën të ndarë deri më tani. Gjithçka dukej mirë fundjavën e kaluar dhe pastaj krejt papritur, ata duket se kanë probleme. Ata ndodhen në Bregun Lindor veç e veç dhe nuk u larguan nga Los Angeles së bashku.
Dhe Hamlin nga ana tjetër u shfaq për t’iu referuar gjithë dramës ditën e dielë, duke postuar një fotografi të saj të veshur me një bluzë të bardhë që shkruante:
A nuk ke një të dashur?
Ndërkohë, një burim më parë tha për “People” se Kourtney gjithashtu nuk është e kënaqur me ish-bashkëshortin e saj.
Ai dhe Kourtney po merren vesh. Kourtney është i zhgënjyer që ai angazhohet në dramë kur ata kanë qenë duke bashkëpunuar mirë si prindër. Ajo nuk e kupton pse ai ndjeu nevojën për të arritur tek Younes. Ajo do të përballet me të për këtë.
