Pak javë më parë lajmi se Belen Rodriguez është rikthyer me Stefano De Martino duke i’a falur këtij të fundit tradhëtinë, u bë kryefjala e medias rozë.
Ishte pikërisht revista “Chi” ajo e cila publikoi disa pamje të tyre në një aeroport ku po përqaforheshin e shkëmbenin puthje.
Për të folur për herë të parë për këtë rikthim të papritur, Stefano De Martino ka dhënë një intervistë ekskluzive për “Domenica In”.
Ai u shpreh se nuk e kupton përse të gjithë habiten nga ky ribashkim. Ai dhe Belen kanë një lidhje shumë të fortë me njëri-tjerin dhe janë shumë të lumtur që e kanë rigjetur atë.
“U deshën vitë që të ndërtohej një harmoni e tillë mes nesh. Ne asnjëherë nuk e kemi fshehur ata që ndjejmë për njëri-tjetrin dhe nuk e kuptoj pse njerëzit çuditen kur na shohin të përqafuar” -tha ai duke theksuar se për publikun historia e tyre është e ngjashme me ato të përrallave që kanë një fund të lumtur.