Një e treta e grave në industrinë e muzikës kanë përjetuar ngacmime seksuale në punë, kjo sipas një sondazhi të ri në Mbretërinë e Bashkuar me 2,526 gra që punojnë në industrinë e muzikës. Gratë kanë gjithashtu tetë herë më shumë gjasa të përjetojnë diskriminim sesa burrati. Ky është regjistrimi i parë i muzikantëve në Mbretërinë e Bashkuar, i kryer nga Unioni i Muzikantëve dhe Ndihmë Muzikantët. Më shumë se 6,000 profesionistë të industrisë së muzikës morën pjesë në anketë, nga të cilët 2,526 ishin gra.
Sondazhi raportoi se gratë paguhen më pak se burrat dhe shpesh kanë karrierë më të shkurtër, pavarësisht se janë të trajnuara dhe të arsimuara në një nivel më të lartë. Më shumë se një e katërta e muzikanteve femra (27%) thanë se nuk fitonin mjaftueshëm nga muzika për të mbajtur një karrierë, krahasuar me 20% të meshkujve. Mesatarisht, gratë fitojnë 10% më pak se kolegët e tyre meshkuj, me të ardhura mesatare vjetore prej 19,850£ krahasuar me 21,750£ për burrat. Studiuesit e quajtën pabarazinë “alarmante”, duke shtuar se gratë përballen me pengesa strukturore të rrënjosura thellë për përparimin në karrierë.
Rikujtojmë se aktorja britanike fituese e çmimit “Oscar”, Olivia Colman tha se do të ishte paguar shumë më shumë për filmat e saj nëse do të ishte burrë. Olivia deklaroi se:
Unë jam shumë e vetëdijshme se nëse do të isha Oliver Colman, do të fitoja shumë më tepër. Jam e vetëdijshme për një pabarazi pagash. Hulumtimet sugjerojnë se gratë kanë qenë gjithmonë aktore të suksesshme që shumë njerëz do të paguanin për t’i parë. Aktorët meshkuj paguhen më shumë sepse ekzekutivët mendojnë se ata tërheqin audiencën. Dhe në fakt kjo nuk ka qenë e vërtetë për disa dekada. Por, ata duan ta përdorin këtë si një arsye për të mos paguar gratë aq sa homologët e tyre meshkuj, veçanërisht në industrinë e filmit.
