Princi Charles po planifikon që të bëjë disa ndryshime të mëdha në rast se ai do të jetë trashëgimtari i ardhshëm i fronit, duke përfshirë këtu zbritjen e monarkisë në shtatë figura kryesore dhe shndërrimin e Pallatit Buckingham në një muze. Por që për këtë të fundit mesa duket nëna e tij, Mbretëresha Elizabeth II nuk është fare dakord.
Një burim pranë pallatit mbretëror i tha ‘The Mirror’ se plani i për shndërrimin e Pallatit Buckingham nuk pritet që të ndodhë ndërkohë që Mbretëresha është akoma në fron.
Pallati është vendi ku Mbretëresha rriti katër fëmijët e saj dhe ka kryesuar gjatë dekadave të saj në fron. Ajo e hapi atë për publikun në vitin 1993, duke lejuar vizitorët të vizitojnë pjesë të zgjedhura të pallatit me 775 dhoma, por jo apartamentet e familjes. Burmi gjithashtu është shprehur se:
Ajo nuk është shumë e interesuar për atë ide të veçantë dhe beson natyrisht, se ajo duhet të mbetet një shtëpi familjare në llojin e saj. Mbretëresha do të kalojë midis Kështjellës Windsor, të cilën ajo e konsideron bazën e saj kryesore në Londër, dhe më pas do të kalojë dy deri në katër ditë në javë gjithashtu në Pallatin e rinovuar Buckingham. Kështu që tani për tani, çfarëdo që të lexoni, nuk mendohet se Princi Charles do të marrë rrugën e tij për t’u ngjitur në fron akoma, pasi është ende herët.
Një nga arsyet kryesore pse Charles mund të kërkojë të shndërroi Pallatin në muze mendohet të jetë kostoja, e cila kërkon miliona dollarë për mirëmbajtje. Pavarësisht idesë së Princit, Mbretëresha është plotësisht kundër dhe nuk e pëlqen një gjë të tillë. Pallati u restaurua për herë të fundit pas Luftës së Dytë Botërore ndërkohë që pritet të ndodhë edhe një rinovim i ri i cili është miratuar që në vitin 2016 dhe pritet që të jetë gati deri në vitin 2027. Vlera e këtij rinovimi është afro 500 milionë dollarë.