Victoria Beckham ka ndarë sekretin e martesës së saj të suksesshme 22-vjeçare me bashkëshortin David Beckham. Duke folur për Stellar Magazine këtë javë, stilistja 47-vjeçare, tha se është me të vërtetë një formulë mjaft e thjeshtë.
Ne gjithmonë gjejmë kohë për njëri-tjetrin, edhe nëse është vetëm duke bërë gjëra të përditshme si darka apo ushtrimet. Mendoj se gjetja e kohës për njëri-tjetrin, edhe kur keni orare të ngjeshura, është gjëja më e rëndësishme. Ne të dyve na pëlqen të kalojmë kohë me të gjithë familjen, është kaq e rrallë këto ditë sa e bën atë edhe më të veçantë kur jemi në gjendje të bashkohemi.
Victoria u martua me David në një ceremoni luksoze në vitin 1999, dhe megjithëse martesa e tyre prej dy dekadash ka pasur ulje-ngritjet e saj, çifti ka mbetur i fortë gjatë gjithë viteve. Duke prekur lidhjen e saj, ajo tha së fundmi për revistën WSJ si më poshtë.
Unë kam qenë gjithmonë me fat që kam pasur një njësi të fortë familjare, jo vetëm me David dhe fëmijët, por me prindërit e mi dhe prindërit e tij. Ndihem shumë e bekuar që e kam atë. Fëmijët janë gjithmonë të parët tek unë dhe David.
Çifti ka 4 fëmijë, 22-vjeçarin Brooklyn, 19-vjeçarin Romeo dhe 16-vjeçarin Cruz, si dhe vajzën 10-vjeçare Harper. Çifti ka shfaqur shpeshherë foto me femijët e tyre qoftë për raste të veçanta të tilla si ditëlindje dhe festa, apo edhe për të pasqyruar përditshmërinë e tyre.
