Së fundmi shkencëtarët nga Instituti Federal Zviceran bënë një zbulim revolucionar për riciklimin e plastikës. Në veçanti, shkencëtarët kanë zbuluar mikrobe në Alpe dhe Antarktidë që mund të “hanë” plastikën ndërsa ato janë në temperatura të ulëta.
Këto mikrobe, kanë aftësinë të shpërbëjnë plastikën në temperatura rreth 15 gradë Celsius. Në të kaluarën, u zbuluan organizma që mund të bënin të njëjtën gjë në 30 gradë Celsius, por shfrytëzimi i tyre u konsiderua i paqëndrueshëm ekonomikisht dhe mjedisor për shkak të ngrohjes që do të kërkohej për t’i përdorur ato në një industri riciklimi.
Sipas shkencëtarëve, këto janë 19 lloje bakteresh dhe 15 lloje kërpudhash që janë rritur në mbetje plastike dhe më pas janë kultivuar në një laborator për të përcaktuar llojet e plastikës që mund të zbërthejnë. Midis tyre ishte poliesteri i biodegradueshëm, të cilin 19 nga 34 speciet dukej se ishin në gjendje ta tretnin në temperaturën 15 gradë. Për më tepër, 17 specie ishin në gjendje të tresnin acidin polilaktik filamentoz të përdorur gjerësisht në treg.
Fatkeqësisht, asnjë nga mikrobet nuk mundi të zbërthejë edhe pas 126 ditësh polietilenin nga i cili prodhohen shumica e qeseve. Dr.Beat Fry, një nga autorët e studimit, shpjegoi se mikrobet mund të prodhojnë një shumëllojshmëri të gjerë të enzimave degraduese të polimerit të përfshira në prishjen e mureve të qelizave bimore.
Në veçanti, kërpudhat shpesh raportohen për poliesterë të biodegraduar, për shkak të aftësisë së tyre për të prodhuar kutinaza, të cilat synojnë polimeret plastike për shkak të ngjashmërisë së tyre me kutinën e polimerit bimor. Shkencëtarët i testuan mikrobet vetëm në një temperaturë, kështu që ata nuk kanë gjetur ende më të mirën për t’u përdorur.
Megjithatë, ata thonë se funksionojnë mirë midis 4 dhe 20 gradë Celsius, duke e bërë shfrytëzimin e tyre nga industria e riciklimit një opsion real. Rikujtojmë, se në një ishull vullkanik Trindade në Brazil janë zbuluar gurë me përmbajtje plastike. Kjo ka shkaktuar alarm të madh në komunitetin shkencor pasi ky është një vend i mbrojtur për shkak se është dhe shtëpia e shumë breshkave të detit.
