Kosnett, thirrje për zbatimin e ligjeve në Kosovë

Agjencia Amerikane për Zhvillim Ndërkombëtar mbështeti fillimin e punës së njësisë kundër mashtrimeve, në kuadër të zyrës kombëtare të auditorit në Kosovë. Gjatë hapjes së kësaj njësie, ambasadori amerikan në Prishtinë, Philip Kosnett, tha se vetëm një e treta e rekomandimeve të zyrës së auditorit janë marrë parasysh vitet e fundit nga institucionet e Kosovës. Ai u shpreh se është koha që liderët e Kosovës të marrin përgjegjësi për zbatimin e ligjit në vend.