Një ditë para protestës së opozitës mësohet se 1500 efektivë policie do të jenë në gatishmëri, mes tyre edhe policë civilë. Mësohet se opozita ka kërkuar rreth 5 orë leje për të protestuar, duke filluar nga ora 19:00. Sipas njoftimit të dhënë në polici do të jetë një protestë marshim në të gjitha rrugët e kryeqytetit, ndërsa nga policia e Tiranës kemi mësuar se PD-së i është kthyer përgjigja që të paktën protestuesit të qëndrojnë në bulevardin kryesor.