2Ton ndoshta nuk është ndër reperët më të komentuar, por padyshim në vitet e shumta në skenë na ka falur pafund hite. Këngët e tij gjithmonë numërojnë miliona klikime dhe kjo falë talentit dhe jo skandaleve. Reperi nuk bëhet thuajse kurrë pjesë e portaleve për skandale, por vetëm për muzikën e mirë që ai publikon.
Së fundmi, artisti nuk ka paralajmëruar vetëm një këngë, por për të gjithë ndjekësit e tij me anë të një Instastory ku shfaqej në studio ka zbuluar se do të sjellë një album. E për të gjithë ju dashamirësit e 2Ton vetëm pak më parë ai na zbuloi se do të publikojë videokipin e këngës së parë më datë 22 shkurt, ndaj nuk do të duhet të prisni dhe shumë.
Jo shumë larg, artisti ndau me ndjekësit e tij këngën më të re ‘Falëm’. Në vetëm dy javë, ka arritur të numërojë mbi 2 milion klikime në platformën YouTube.
