Alban Skënderaj dhe Miriam Cani janë një ndër çiftet më simpatikë të showbizit shqiptar dhe dy ndër artistët më të talentuar të cilët kurrë nuk kanë zhgënjyer me prurjet e tyre muzikore.
Ditën e sotme këngëtari i famshëm feston ditëlindjen e tij të 36-të dhe sigurisht që ka marrë qindra urime nga fansat, familjarët e veçanërisht nga bashkëshortja e tij.
Me anë të një postimi në rrjetin social Instagram, e ëmbla Miriam shkruan:
“Të jesh i suksesshëm në profesion është arritje e madhe por jo sekreti i lumturisë. Të jesh i suksesshëm si NJERI dhe në familje është bekimi i vërtetë në jetë. Ti ke ditur gjithmonë t’i japësh gjithçkaje rëndësinë e vet. Gëzuar ditëlindjen jeta ime. Ameli dhe unë do të të duam përjetësisht dhe asgjë s’do të kishte kuptim pa ty.”
