Miliarderi Bill Gates u shfaq në podkastin e Trevor Noah, “What Now?”, në një episod premierë ditën e martë. Kur Noah pyeti për kërcënimin e inteligjencës artificiale ndaj vendeve të punës, Gates tha se një ditë mund të ketë një kohë kur njerëzit “nuk duhet të punojnë aq shumë”.
“Nëse përfundimisht arrijmë në një shoqëri ku ju duhet të punoni vetëm tre ditë në javë, ndoshta është mirë”, tha Gates.
Mund të ketë një botë ku “makinat mund të bëjnë të gjitha ushqimet dhe gjërat” dhe njerëzit nuk kanë nevojë të punojnë pesë ose më shumë ditë në javë për të fituar një rrogë jetese.
Ndërsa AI mund të sjellë disa ndryshime pozitive, Gates ka pranuar më parë rreziqet e AI kur keqpërdoret. Në korrik, ai publikoi një postim në blog prej 3000 fjalësh për efektet e mundshme të inteligjencës artificiale, raporton Business Insider .
“Unë nuk mendoj se ndikimi i Inteligjencës Artificiale do të jetë aq dramatik sa Revolucioni Industrial, por sigurisht që do të jetë aq i madh sa prezantimi i kompjuterit. Aplikacionet e përpunimit të tekstit nuk e eliminuan punën e zyrës, por e ndryshuan atë përgjithmonë. Punëdhënësit dhe punëtorët duhej të përshtateshin dhe ata e bënë”, tha Gates në atë kohë.
Gates dikur mendonte se jeta e tij kishte të bënte me Microsoft-in nga mosha 18 deri në 40 vjeç. Tani, ai ndjen se “qëllimi i jetës nuk është vetëm të bësh biznes”. Kompanitë në SHBA dhe jashtë saj po testojnë efektivitetin e javës katërditore të punës. Disa kanë dhënë raporte pozitive për përmirësimin e ekuilibrit dhe efikasitetit mes punës dhe jetës.
