Ora e gjumit është ndoshta një nga momentet që presim më shumë në fund të ditës. Megjithatë, edhe pse është një nevojë fiziologjike dhe ne e bëjmë atë çdo ditë, ka zakone të këqija që mund të ndikojnë në pushimin dhe qëndrimin tonë. “Bright Side” vjen me disa këshilla për të përmirësuar cilësinë e jetës tuaj. Mësoni se çfarë mund të ndodhë nëse shtoni një jastëk shtesë në rutinën tuaj të gjumit.
1. Ndihmon për të përmirësuar qëndrimin tuaj.
Disa pozicione të gjumit janë më të mira për shtyllën kurrizore sesa të tjerat, kështu që mënyra se si e pozicionojmë trupin tonë ka një rëndësi të madhe. Hulumtimet kanë treguar se nëse shtrihemi në shtrat në mënyrë asimetrike, kjo mund të shkaktojë dëmtim të strukturës së shtyllës kurrizore. Për këtë arsye, këshillohet që kur flemë në pozicionin e fetusit, të flemë me jastëk mes këmbëve, pasi kjo do të na ndihmojë të pushojmë në një pozicion simetrik.
2. Parandalon dhimbjet e nervit shiatik dhe të shpinës.
Disa njerëz jetojnë me dhimbje kronike të shpinës. Por vendosja e një jastëku midis këmbëve mund të ndihmojë gjithashtu në shtrirjen e legenit dhe ijeve, duke reduktuar ngjeshjen dhe rrjedhimisht edhe shqetësimin e vazhdueshëm në këtë zonë, që shkaktohet kryesisht nga shpërndarja e dobët e peshës së trupit gjatë gjumit.
3. E bën gjumin gjatë shtatzënisë më të rehatshëm.
Pavarësisht nëse preferoni të shtriheni në anën tuaj të djathtë apo të majtë, specialistët rekomandojnë të flini në krah gjatë periudhës së shtatzënisë, për të cilën përdorimi i një jastëku mund të jetë një ndihmë e madhe për shpërndarjen e peshës dhe uljen e tensionit të shpinës, duke mbajtur shtyllën kurrizore në një pozicion neutral. Në treg ka modele të dizajnuara posaçërisht për këtë qëllim specifik, në formë C dhe U për t’iu përshtatur trupit.
Vendoseni jastëkun në mënyrë korrekte.
1.Shtrihuni në pozicionin e fetusit para gjumit.
2.Shmangni një boshllëk midis belit dhe dyshekut ndërsa jeni shtrirë.
3.Vendoseni jastëkun në pjesën e sipërme të kofshës për t’i mbajtur ijet në një linjë.
4.Nëse preferoni të flini me gjurin përpara, merrni parasysh përdorimin e 2 jastëkëve.
Mos harroni se në rast të ndonjë shqetësimi, alternativa më e mirë është që gjithmonë të konsultoheni me mjekun tuaj.
Mund ta vendosni edhe nën këmbë.
Nëse preferoni të flini me shpinë, mund të përdorni gjithashtu një jastëk për të mbështetur shtyllën kurrizore gjatë gjumit. Kjo gjithashtu do të ndihmojë në uljen e dhimbjes së shpinës. Edhe nëse keni dhimbje në të dyja anët, ky pozicion mund të jetë më i mirë për të fjetur sesa në anën tuaj, pasi e mban shpinën në një pozicion neutral.
Ju gjithashtu mund të përdorni një peshqir ose një jastëk tjetër të vogël për të mbështetur belin tuaj në mënyrë që trupi juaj të jetë në një linjë, duke shpërndarë peshën tuaj në mënyrë të barabartë dhe duke ju penguar të lëvizni ose të rrotulloheni në shtrat ndërsa jeni në gjumë.
